Dialog සිග්නල් තියෙන්නෙ කොතනද???

මේක නම් ක්‍රියේටිව් සතාගෙ වැඩක් නෙමෙයි.. ඒ තරම්ම ක්‍රියේටිව් තවත් සතෙක් ගේ උදාන වාක්‍යයක්.

අපේ බෝඩිමේ සිග්නල් හරි හිඟයි නේ... සිග්නල් කිව්වෙ අර දත් මදින එව්වා නෙමෙයි, ෆෝන් එකට එන එව්වා. දැන් නම් කැම්පස් එකටම අළුතෙන් කණුවක් දීලා. ඊට කලින් මොබිටෙල් සිග්නල් අන්තිමයි. මම ඇරෙන්න අනික් හැමෝම පාවිච්චි කලේ මොබිටෙල්.

සත්තු ටිකට training දෙනවා කියපු දවසේ බෝඩිමේ එකම යුද්ධයයි. එහෙට කතා කරනවා... මෙහෙට කතා කරනවා... seniorsලට කතා කරනවා... madam ට කතා කරනවා.. තැන හොඳයිද කියල අහනවා... boy friend ට කතා කරලා "එතන ට්‍රේනින් ගියාට කමක් නැද්ද අනේ" කියලා අහනවා...

ඔන්න ඔය විදිහට දස අතට කෝල් කර කර ඉඳලා අන්තිමට තීරණයක් අරගෙන මැඩම් ට කියන්න ආපහු කෝල් එකක් ගන්න උනා... ඉතින් මැඩම් ට කෝල් කරනවා කියන්නෙ ටිකක් වැදගත් විදිහට කතා කරන්න එපැයි. මැදදි කට් වෙන්නත් හොඳ නෑනෙ. මැඩම්ලට අපිට වගේ නෙමෙයිනෙ. කොච්චර වැඩ තියෙනවද...

ඒ වෙලාවෙ ගිය දෙබස මෙන්න මෙහෙමයි. (චතූ කෝල් එක ගත්තෙ අර සතාගෙ ෆෝන් එකෙන්)

චතූ: සද්ද කරන්නෙ නැතුව හිටපල්ලා... මම මේ මැඩම් ට කෝල් එක ගන්නෙ...

සතා: චතු, චතු..., මේ මෙතන්ට එන්න. මේ ජනාගෙ ඇඳේ මේ කෙලවරට ඩයලොග් සිග්නල් තියෙනවා...

(ඒක අහලා චතූ ගන්න ගිය කෝල් එක කට් කරලා....)
චතූ: ඈ... මෝඩයො..., උඹේ සිම් එක ඩයලොග් ද?

සතා: නෑ.. නෑ... මැඩම්ගෙ නම්බර් එක ඩයලොග්.

ඊට පස්සෙ කට්ටියටම ට්‍රේනින් වත්, කාටවත් කෝල් කරන්න වත් මතක නෑ... ඉන් එහාට බෝඩිමේ පරිසරය එදා ගෙම්බා ඉස්ටිකර් උනු දවසට සමානයි හි හි හි...


ප.ලි. ; හිතන්නෙපා අපි සතාගෙ නොදන්නා කමට හිනා උනා කියලා. එයා හොඳටම දන්නවා... ඒ ට්‍රේනින් ප්‍රශ්න අස්සෙ මොලේ කරකුට්ටං වෙලා ඉඳලා තියෙන්නෙ..